વિદ્યાવિહાર ગીતમાલા

સંપાદક
શ્રી ભાઇલાલભાઇ શાહ
પ્રકાશન વર્ષ
૧૯૬૪

સારાંશ:
શ્રી ભાઈલાલભાઈ શાહ સંપાદિત આ ગીતમાલામાં ૧૦૮ કર્ણપ્રિય ગીતો અને સ્વર આયોજનનો સમાવેશ થાય છે. આ પ્રકાશન એક અમૂલ્ય ખજાનો છે અને વિદ્યાવિહારના વિધાર્થીઓ ગીતો અને પ્રાર્થના ગાઈ સમગ્ર વાતાવરણને ઝંકૃત કરે છે. કેટલીક પ્રાર્થનાઓ ગુજરાતના લગભગ દરેક ઘરમાં ગુંજતી થઈ છે. તેની મર્યાદિત પ્રતો પ્રાપ્ય છે.

શારીરિક કૌશલ્ય

લેખક
શ્રી મેરૂભાઈ ઝીંઝુવાડિયા
પ્રકાશન વર્ષ
૧૯૬૪

સારાંશ
ગુજરાતીમાં વ્યાયામ અને રમત ગમત વિષે લખાયેલા પુસ્તકોમાં શ્રી ઝીંઝુવાડિયાએ લખેલ આ પુસ્તક વ્યાયામ શિક્ષણની સંસ્થાઓમાં અભ્યાસ કરતાં તેમજ પ્રાથમિક, માધ્યમિક તેમજ તાલીમી વિદ્યાર્થી માટે ખૂબ ઉપયોગી બની રહેશે.

સોનેરી ચાંદ રૂપેરી સૂરજ

લેખક
સ્નેહરશ્મિ
પ્રકાશન વર્ષ
૧૯૬૭

સારાંશ
હાઇકુ પરિચય સાથે 365 હાઇકુનો આ deluxeસચિત્ર કાવ્ય સંગ્રહ છે. હાઇકુમાં ઓછા શબ્દો વાપરી મુખ્ય વસ્તુની નોંધ જ કરવામાં આવે છે. સ્નેહરશ્મિનું છંદો પરનું પ્રભુત્વ અને નાદ માધુર્યનો સૂક્ષ્મ વિવેક જોવા મળે છે.

ચીમનલાલ નગીનદાસ જન્મશતાબ્દી અંક

લેખક
સ્નેહરશ્મિ

પ્રકાશન વર્ષ
૧૯૬૯
–
સારાંશ:
વિદ્યાવિહારના શિક્ષકો અને વિધાર્થીઓ દ્રારા લખાયેલા લેખોનો ગ્રંથ શેઠ ચીમનલાલ નગીનદાસની જન્મ શતાબ્દી નિમિત્તે પ્રકાશિત થયેલો. તે સમયે કેમ્પસ ઉપરની પ્રવૃતિઓનો અધિકૃત ચિતાર આ ગ્રંથમાં જોવા મળે છે. વિદ્યાવિહાર પરિવારના સભ્યોએ લખેલા અભિપ્રાયો પણ તેમાં વ્યક્ત થયેલા છે.

બાળ અપરાધ

લેખક
શ્રી હસમુખ શાહ

પ્રકાશન વર્ષ
૧૯૬૯

સારાંશ:
હંસા શેઠની પી.એચ.ડી.નો મહાનિબંધ અંગ્રેજીમાં લખાયેલો હતો. શ્રી હસમુખ શાહે તેનો ગુજરાતીમાં અનુવાદ કર્યા. બાળકોમાં અપરાધની ભાવનાના સામાજીક, વૈજ્ઞાનિક અને માનસશાસ્ત્રિય પાસાઓનો અભ્યાસ કરવામાં આવેલો. આ માટે કેસ સ્ટડીનો ઉપયોગ કરી કેટલાંક મહત્વનાં નિષ્કર્ષો આપવામાં આવ્યા છે.

સકલ કવિતા

લેખક
સ્નેહરશ્મિ

પ્રકાશન વર્ષ
૧૯૮૪

સારાંશ:
કવિશ્રી ઝીણાભાઈ રતનજી દેસાઇ ‘સ્નેહરશ્મિ’ રચિત સંગ્રહ વિદ્યાવિહારને સમર્પિત કરવામાં આવ્યો છે. વર્ષ ૧૯૨૧ થી ૧૯૮૪ દરમિયાન ૯ સંગ્રહમાંથી ચૂંટેલા કાવ્યોનો આ એક વિરલ સંગ્રહ છે . ગુજરાતી સાહિત્યમાં તેમનું વિશિષ્ટ સર્જન છે.

સંસ્કારમૂર્તિ ઇન્દુમતીબેન

લેખક
સ્નેહરશ્મિ

પ્રકાશન વર્ષ
૧૯૮૭

સારાંશ:
કવિશ્રી સ્નેહરશ્મિએ ઇન્દુમતીબેનને તેમના અવસાન બાદ આપેલી અંજલિ રૂપે તૈયાર કરવામાં આવેલા આ ગ્રંથમાં પૂજ્ય બેન સાથેની તેમના સંપર્કમાં આવેલી વ્યક્તિઓએ ગાળેલી સ્મૃતિઓને ગ્રંથસ્થ કરવામાં આવી છે. શબ્દોની અભિવ્યક્તિથી આર્ષ દ્રષ્ટી અને સંસ્કારમૂર્તિ બેનના વિરલ વ્યક્તિત્વના અનેક પાસાઓને ઉજાગર કરવામાં આવ્યા છે. વર્ષો સુધી સંસ્થાઓ ને પ્રેમ, હૂંફ અને સેવા ભાવનાથી વિકાસના માર્ગ ઉપર મૂકી આપનાર પૂજ્ય બેનને અપાયેલી અંજલિના પરિપાકરૂપ મૂળ ગ્રંથ હાલ અપ્રાપ્ય છે. વર્ષ ૨૦૦૬માં તેમની જન્મ શતાબ્દીની ઉજવણી પ્રસંગે આ પુસ્તકની નવી આવૃત્તિ પ્રકાશિત કરવામાં આવી છે.

સંસ્થા પરિચય

સંપાદક
સૌભાગ્યચંદ કે.શાહ
પ્રકાશન વર્ષ
૨૦૦૫

સારાંશ
વર્ષ ૨૦૧૨ માં શેઠ સી.એન. વિદ્યાવિહારના સ્થાપનાકાળથી ૨૦૦૫ સુધીની વિકાસયાત્રાની માહિતી આ પુસ્તકમાં આપવામાં આવી છે. સંસ્થાના નવતર આયામો, સંસ્થાની સિદ્ધિઓ વિદ્યાર્થીઓના બોર્ડની પરિક્ષાના પરિણામો, સંસ્થાના નામી શિક્ષકો, કેળવણીકારો, વિદ્યાર્થીઓ વગેરેની માહિતી આપવામાં આવી છે.

ઇન્દુમતીબેન જન્મ શતાબ્દી અંક

સંપાદક
સૌભાગ્યચંદ કે. શાહ
પ્રકાશન વર્ષ
૨૦૦૬

સારાંશ
સંસ્થા શિલ્પી પદ્મશ્રી ઇન્દુમતીબેન શેઠની જન્મ શતાબ્દી પ્રસંગે આ અંકનું પ્રકાશન કરવામાં આવ્યું છે. જેમાં તેમની સાથે પ્રત્યક્ષ કે પરોક્ષ રીતે સંકળાયેલા લોકોએ તેમની સાથેના સ્મરણો વાગોળતાં લેખો દ્વારા તેમને ભાવાંજલી આપી છે.

શિક્ષણપ્રેમી શ્રી સૌભાગ્યચંદ શાહ

સંપાદક
–

પ્રકાશન વર્ષ
૨૦૧૧

સારાંશ:
શિક્ષણવિદ્દ, આચાર્ય અને કુશળ વહીવટકર્તા એવા શ્રી સૌભાગ્યચંદભાઈ શાહ લગભગ ૭૦ વર્ષથી શિક્ષણ સાથે સંકળાયેલ છે. જેઓની શિક્ષણયાત્રા ૧૯૫૧માં શરૂ થઈ. વિદ્યાવિહારમાં ૧૯૭૯ થી ૧૯૮૭ આચાર્ય તરીકે, સેક્રેટરી તરીકે અને એડમિનિસ્ટ્રેટિવ ડાયરેકર તરીકે ૧૯૮૭થી ૧૯૯૭, એક્ઝિક્યુટિવ ડાયરેક્ટર તરીકે ૧૯૯૭ થી ૧૯૯૯,મેનેજિંગ ટ્રસ્ટી તરીકે ૧૯૯૯ થી ૨૦૧૦ અને ૨૦૧૦થી તેઓ ટ્રસ્ટી તરીકે તેમની અવિરત સેવાઓ આપી રહ્યા છે. રાષ્ટ્રપતિ ‘શ્રેષ્ઠ શિક્ષક’ નું સન્માન પ્રાપ્ત કરનાર શ્રી શાહ સાહેબના આ અભિવાદન ગ્રંથમાં વિદ્યાવિહારના મિત્રો, આચાર્યો, શિક્ષકો અને શુભેચ્છકોએ તેમના વિષે લખેલા લેખોનો સમાવેશ થાય છે. આ ગ્રંથ શિક્ષણપ્રેમીઓ માટે આધારભૂત ગ્રંથ કહી શકાય.

પ્રાર્થના મંજુષા

લેખક
સંપાદિત પ્રાર્થનાઓ
પ્રકાશન વર્ષ
૨૦૧૨

સારાંશ:
તાલીમી સંસ્થાઓના વિધાર્થીઓ માટે ખાસ તૈયાર કરવામાં આવેલ પ્રાર્થનાઓનો આ સંગ્રહ છે. નિત્ય થતી પ્રાર્થનાસભામાં આ પ્રાર્થનાઓનું ગાન અલૌકિક અનુભૂતિ કરાવે છે .

શેઠ સી.એન.વિદ્યાવિહાર છાત્રાલય વિશેષાંક ૧૯૧૨-૨૦૧૨

સંપાદિત લેખો
પ્રકાશન વર્ષ
૨૦૧૩

સારાંશ:
વર્ષ ૧૯૧૨માં શેઠ સી.એન. કુમાર છાત્રાલયની શરૂઆત થઈ તેના ૧૦૦ વર્ષની ઉજવણીના ભાગરૂપે આ છાત્રાલય શતાબ્દી અંક પ્રકાશિત કરવામાં આવ્યો છે. જેમાં છાત્રાલયમાં ભણી ચૂકેલ વિદ્યાર્થીઓ, શિક્ષકો, ગૃહપતિ, ગૃહમાતા તેમજ છાત્રાલય સાથે સંકળાયેલ વ્યક્તિઓના સ્મરણોનું સુંદર આલેખન કરવામાં આવ્યું છે.

વિદ્યાવિહાર ગીતમાલા(પૂન: મુદ્રણ)

સંપાદક
શ્રી ભાઇલાલભાઇ શાહ
પ્રકાશન વર્ષ
૨૦૧૩

સારાંશ
આપને સહર્ષ જણાવવાનુકે વર્ષ ૨૦૧૬માં વિદ્યાવિહાર ગીતમાલાની માંગને ધ્યાને લઈ તેની રી-પ્રિન્ટ કરાવવામાં આવી છે. સંગીત ક્ષેત્રે આવું પુસ્તક જવલ્લેજ જોવા મળે એવા આ સંગીતના વારસાને જાળવવાનો આ પાછળ પ્રયત્ન છે. વિદ્યાવિહારના તમામ વિદ્યાર્થીઓ આ પુસ્તક સાથે ભાવનાત્મક જોડાણ ધરાવે છે. આ નવી ગીતમાલા આપ વિદ્યાવિહારના મધ્યસ્થ કાર્યાલયમાથી મેળવી શકો છો.